Тимот на Амичитија Цирих, каде што игра македонскиот репрезентативец Мартин Поповски, забележа нов пораз во швајцарскиот шампионат.
На домашен терен, Цирих загуби од составот на Вакер Тун со убедливи 18-28, откако и на полувреме имаше голема негатива, 6-16.
Поповски, кој имаше македонска поддршка на трибините, беше најдобар стрелец во неговиот тим.
Десното крило постигна пет голови и уште еднаш потврди дека ќе биде лидер на Цирих во оваа сезона.
