Нексе остана незгоден за Вардар, со цел плен се враќа во Нашице (ФОТОГАЛЕРИЈА)

Ракометарите на Вардар ја отворија 20222 година со пораз против Нексе на домашен терен во СЕХА лигата од 24:25 и на тој начин влегоа лошо во пролетниот дел од сезоната. Ќе мора многу работи да се менуваат во продолжение за да се дојде до посакуваните резултати. Првата средба покажа слабости и недостатоци така што ќе има доста за поправање. Новиот тренер Давид Дејвис дефинитивно можеше да види што ќе треба да смени во следниот период и што е она што недостига. Денеска имаше премногу осцилации што е знак дека ќе мора да се поработи на константност во играта, но и на многу похрабри решенија во нападот.