Металург сигурно против Струга, се врати во трка за 3. позиција

Ракометарите на Металург дојдоа до победа против тимот на Струга од 35:28 со што освоија три важни бодови и успеаја да се врта во трка за 3. позиција во плеј-офот. Со денешните бодови Металург има 11 поени, па пред средбата меѓу Бутел Скопје и Еурофарм Пелистер има исто колку и градскиот ривал.

На средбата против Струга ракометарите на Металург беа во предност од почетокот на дуелот. без поголеми проблеми успеаја да ја зголемуваат предноста и да ја одржуваат во текот на целото прво полувреме.

Металурзите постојано беа во позитива од 3-4 гола, а на одмор заминаа со 17:13. ова беше разлика која има даваше сигурност така што беше само прашање како ќе се издржи до крајот на средбата и д се дојде до бодовите.

Контролата на играта продолжи и во вториот дел и немаше поголеми проблеми за да се остане во водство. Постојано се користеше можноста да се има целосна контрола на играта, па мирно се одеше кон нови погодоци, што даваше можност со сигурна игра да се дојде до победа и нови бодови.

После казнувањето на повеќето од грешките Металург на крајот стигна до победа од 35:28 така што со новите бодови сега има исто колку и Бутел Скопје на 4. позиција, а два повеќе од тимот на Охрид.

СУПЕР МАШКА ЛИГА – ПЛЕЈ-ОФ

ТАБЕЛА