Ракометарките на Металург по поразот од Куманово се вратија на победничките патеки во Женската лига.
Избраничките на Јулијана Дамчевска во Автокоманда го победија составот на Деспина од Прилеп со 31-20.
Во првиот дел гостинките одржуваа некаква рамнотежа, но сепак во финишот Металург се одлепи на плус четири и на пауза се замина до резултат 14-10. Второто полувреме беше само формално одработување на задачата и домашните ракометарки без мака ги казнуваат сите грешки на прилепчанки.
Најдобри стрелци во победничкиот тим беа Марија Тасевска и Билјана Дамчевска со по шест гола, додека кај Деспина најискусната Мери Конеска беше стрелец на пет погодоци.
Сега Металург има 48 бода, еден помалку од второпласираниот Вардар, кој има 49 и првиот Куманово со 55 бодови.