Македонија покажа класа против Турција и фати залет на ЕХФ шампионатот (ФОТОГАЛЕРИЈА)

Машката кадетска репрезентација на Македонија имаше победнички старт на ЕХФ шампионатот во летнскиот град Рига. Избраниците на Раде Стојановиќ славeа против Турција со убедливи 34-19, а победникот беше најавен уште по првиот дел, кога беше 15-10. Најдобар стрелец беше Александар Петковски со десет гола, шест даде Димковски, додека пет пати стрелаше Тодор Узунчев. Голманот Брестовац блескаше и фати дури 18 топки со 52% успешност, додека Галевски одбрани два пенали. Утре од 13:00 часот, кадетите ќе се соочат со Косово, а со победа на тој натпревар ќе бидат веќе во полуфиналето на ЕХФ шампионатот.