Репрезентативците на Македонија имаат негатива од еден гол после првите 30 минути против во кои имаше многу надигрување, а нијанси решаваа каков ќе биде резултатот на полувреме. Резултатот од 16:17 можеше да биде сосема поинаков, но ќе има уште 30 минути за да се надомести.
Македонија имаше тежок почеток. Иако и денеска Мартин Томовски тргна со одбрани и беше на потребното ниво, сепак, натпреварот беше отворен со грешки што отвори простор за серија на противникот. Црна Гора тргна со 4:0, но ова беше само отворање на натпреварот.
Мартин Серафимов беше расположен во нападот и тој ги постигна првите три гола за намалување на 3:5. Меѓутоа тука дојде до нова криза, па средбата отиде на голема негатива од пет гола, 3:8 и 4:9.
После тајм-аутот работите почнаа да се поправаат. Неколку измени во составот овозможија да се смени ритамот и да се влезе во еден период во кој имаше што да се види бидејќи конечно профункционира нападот, па Македонија се доближи на два гола негатива.
При 9:11 почна најавата за враќање во средбата. Имаше игра, но премногу се брзаше што влијаеше и на одбраната, па колку што брзо се погодуваше противничкиот гол толку противниците успеваа да псотигнат гол веќе во следниот напад. Оттаму постојано беше гол за гол. Црна Гора поведуваше со три гола, а Македонија успеваше да намали до два гола.
На одмор се замина со негатива од само еден гол, 16:17 така што вториот дел ќе биде шанса за да се надомести и да се освојат бодови денеска.
Најефикасен на теренот е Милош Вујовиќ со пет гола, додека во Македонија четири гола има Велковски, по три имаат Серафимов и Кузманоски, а по двапати прецизни беа Миркуловски и Кузмановски.
ПОВРЗАНИ ВЕСТИ
