Завршија првенствата во Грција и Украина – АЕК Атина и Мотор станаа шампиони

Последните федерации низ Европа што чекаа да се смири ситуацијата со коронавирусот, па да продолжат со натпревари, сепак решија дека нема да има услови за игра во јуни.

Грчката и украинската федерација означија крај на шампионатите во двете конкуренции и ги прогласија прваците.

Во Грција, кај жените ПАОК Солун стана шампион и ќе игра во Лигата на Европа, додека Неа Јонија, ГАС Артас и Верија ќе играат во ЕХФ Купот. Во машка конкуренција, за шампион е прогласен АЕК Атина кој ќе биде дел од Лигата на Европа, а Олимпијакос, Диомидис Аргус и Аеропос Едеса ќе бидат дел од ЕХФ Купот.

Во Украина, иако имаше план да се игра во јуни, сепак нема да биде такa и Мотор Запорожје е прогласен за шампион. Овој тим доби место во Лигата на Европа, но сигурно ќе аплицира за вајлд-карта во Лигата на шампионите. Кај жените, шампион е Галичанка Лвов.