Репрезентацијата на Шпанија го заврши Европското првенство без пораз откако во финалето славеше над Хрватска со 22:20 во натпревар кој беше сиромашен со голови.
Двете репрезентации имаа свои моменти така што на крајот се радуваше селекцијата која имаше поконцентрирани ракометари односно играчи кои знаеја што сакаат во клучните моменти. Хрватите иако се обидоа имаа грешки во завршницата така што на крајот дефинитивно победата припадна за селекцијата која знаеше како да го донесе мечот до триумф.
Натпреварот мина во одличен тек така што во сите 60 минути имаше надигрување, а беше јасно дека онаа репрезентација која ќе има посмирени играчи ќе биде и поблиску до победата.
Инаку, без пораз во 60 минути заврши и Норвешка, но се задоволи со бронза. Норвежаните единствениот меч на кој капитулираа го загубија дури после продолженија и 80 минути игра.
ЗАВРШНИЦА НА ЕВРОПСКОТО ПРВЕНСТВО
РАСПОРЕД И РЕЗУЛТАТИ
ПОЛУФИНАЛЕ
НОРВЕШКА – ХРВАТСКА 28:29 прод. (24:24, 26:26)
Сагосен 10, Јоханесен 4, Танген 4 – Дувњак 8, Мариќ 6, Хорват 4
ШПАНИЈА – СЛОВЕНИЈА 34:32
Фернандез 6, Ентрериос 6, А. Душебаев 6 – Доленец 7, Јанц 6, Благотиншек 5
МЕЧ ЗА 5. МЕСТО
ГЕРМАНИЈА – ПОРТУГАЛИЈА 29:27
Кун 6, Гола 4, Цикер 3 – Фераз 4, Боргес 4, Мартинс 3
МЕЧ ЗА 3. МЕСТО
СЛОВЕНИЈА – НОРВЕШКА 20:28
Бомбач 5, Мачковшек 4 , Благотиншек 3 – Јондал 7, Бјорнсен 5, Сагосен 4
ФИНАЛЕ
ШПАНИЈА – ХРВАТСКА 22:20
Гомез Абељо 5, Македа 3, Ентрериос 3 – Дувњак 5, Карачиќ 4, Мариќ 3.
ПОВРЗАНИ ВЕСТИ
