Еурофарм Пелистер како тајфун, ја „оддува“ Татабања среде Битола

Ракометарите на Еурофарм Пелистер го одиграа најдобриот натпревар сезонава и дојдоа до висока победа на средбата против Татабања со 33:20.

Освен првите десетина минути кои поминаа во надигрување и резултатска израмнетост продолжението од средбата мина во знакот на Еурофарм Пелистер. Секоја грешка на Татабања, секој празен простор, секој момент на слабост на противникот се користеше најдобро што може за постојано зголемување на предноста.

Практично на 15 минути се создаваа по четири гола разлика. Во 15. минута резултатот беше 9:5, а после 30 минути, 17:9 со што јасно се виде дека на овој дуел тимот на Еурофарм Пелистер е далеку поквалитетен и има многу подобро подготвени и помотивирани ракометари.

Во вториот дел за 15 минути игра се стигна до плус 15. И во овој дел од средбата немаше што да се види од гостите кои реализираа на секој трет или четврти напад така што на ракометарите на Еурофарм Пелистер не им беше проблем лесно да отидат на огромна позитива која им носеше целосна контрола на натпреварот.

Стигнаа до 27:12 и тука веќе можеше да го спуштаат темпото на игра бидејќи веќе беше јасно кој победува денеска и кој ќе ги однесе бодовите од овој натпревар. Гостите од Унгарија не можеа да следат и денеска делуваа тотално индиспонирано така што мораа да го признаат поразот.

До крајот гостите само намалија, но веќе беше јасно дека ова ќе биде огромна победа за Еурофарм Пелистер, кој покажува дека го фати победничкиот ритам и влегува во одличен период во кој ќе има што да покаже и во Лигата на Европа. Тоа најдобро го покажа победата од 33:20 против Татабања.

ЕУРОФАРМ ПЕЛИСТЕРТАТАБАЊА 23 ноември 2021 33 - 20 Крај

Детали

Датум	Време	Лига	Сезона	Match Day	Крај
23 ноември 2021	20:11	ЛИГА ЕВРОПА D	2021/2022	23.11.2021	60'

Место

Спортска сала „Боро Чурлевски“

Резултати

Екипа	1-во полувреме	2-ро полувреме	Резултат
ЕУРОФАРМ ПЕЛИСТЕР	17	33	Победа
ТАТАБАЊА	9	20	Пораз

ЕУРОФАРМ ПЕЛИСТЕР

#	Играч	Позиција	Исклучување	Голови
2	Матео Мараш	десен бек	0	6
3	Гоце Ојлески	лево крило	1	3
4	Никола Маркоски	пивот	1	0
7	Дејан Кукуловски	лев бек	0	1
9	Стипе Мандалиниќ	лев бек	0	4
12	Мартон Секељ	голман	0	0
14	Марио Танкоски	централен бек	0	1
18	Јосип Периќ	централен бек	0	5
19	Ненад Костески	десно крило	0	3
24	Милорад Кукоски	лев бек	0	0
30	Мартин Велковски	десен бек	0	0
32	Јосип Божиќ Павлетиќ	десно крило	0	2
59	Елмир Граџан	пивот	1	2
74	Немања Обрадовиќ	централен бек	0	1
97	Рение Табоада	централен бек	0	5
98	Марко Кизиќ	голман	0	0
	Вкупно		3	33

ТАТАБАЊА

#	Играч	Позиција	Исклучување	Голови
1	Пјотр Вишомирски	голман	0	0
3	Балаш Молнар	лево крило	0	0
4	Нандор Богнар	пивот	0	1
7	Адам Јухач	централен бек	1	0
14	Бенце Хорњак	десно крило	0	6
15	Дарко Стојниќ	пивот	0	0
16	Ласло Батруц	голман	0	0
17	Стефан Сунајко	лево крило	1	2
19	Жолт Балог	десен бек	0	0
22	Матијас Ѓери	централен бек	1	0
24	Урбан Лукаш	лев бек	2	1
27	Габор Анчин	десен бек	0	4
29	Бенце Здолик	лев бек	0	3
33	Алексеј Ушал	пивот	0	2
51	Виорел Фотаче	лев бек	1	0
77	Марк Даниел Бодор	лев бек	0	1
	Вкупно		6	20

ЛИГА НА ЕВРОПА – ГРУПА Д

ТАБЕЛА

Бабиќ: Моите ракометари беа на највисоко ниво, покажаа колку вредат

Божиќ Павлетиќ: Дојдоа и нашите пет минути