Драма во последните секунди, Лук Стеинс погоди за реми меѓу Холандија и Хрватска

Репрезентациите на Хрватска и Холандија, на својот последен натпревар на ЕП одиграа возбудливо до самиот крај, а конечниот епилог беше можеби и најреален, откако средбата заврши без победник, 28:28.

Избраниците на Хрвоје Хорват имаа добар старт и со трите погодоци на Шипиќ имаа 3:1. На Холанѓаните им требаше две до три минути за да се вратат во игра и да израмнат на 3:3. Голманот на Холандија, Тијс ван Лејвен, како и хрватскиот чувар на мрежата, Иван Пешиќ на моменти беа главните виновници за израмнетиот натпревар.

Холандија предводена од Јансен и креаторот на играта, Стеинс, од 20. минута, па сѐ до крајот на првото полувреме, константно одржуваше водство од еден до два гола разлика откако претходно главно резултатот беше нерешен.

Холандската репрезентација своето водство од 10:9 го зголеми на 11:9, благодарение на неколку грешки на Хрватите, и успеа на полувреме на замине со два гола позитива, 15:13.

Мартиновиќ со два гола во низа го изедначи резултатот на 15:15 во второто полувреме. Во следниот период се играше гол за гол. Ракометарите на Холандија никако не можеа да се одлепат на два гола предност бидејќи Пилиповиќ бранеше кога беше најпотребно. По нерешениот резултат од 19:19, во 45. минута, Мартиновиќ и го донесе првото водство на својата репрезентација во второто полувреме, 20:19.

Кризниот период во холандскиот табор резултираше со серија од 4:0 на Хрватска. Циндриќ и Срна беа ефикасни во следните два напади за најголемо водство на хрватската репрезентација од три разлика, 22:19.

Во последните десет минути се влезе во егал завршница бидејќи водството на Хрватска брзо се стопи, па така Холанѓаните дојдоа до минус еден, 23:24. На две минути до крајот резултатот гласеше 27:26 за Хрватска. Со добар организиран напад, Холанѓаните преку Ставаст дојдоа до нерешен резултат, 27:27.

Во последните напади за двете репрезентации успешни беа Тин Лучин, кој погоди за 28:27, но Холанѓаните во последните секунди со голот на Лук Стеинс се изборија за реми на овој дуел, 28:28.

ХОЛАНДИЈАХРВАТСКА 26 јануари 2022 28 - 28 Крај

Детали

Датум	Време	Лига	Сезона	Match Day	Крај
26 јануари 2022	20:33	EURO22 1GRUPA	2021/2022	26.01.2022	60'

Место

МУЛТИФУНКЦИОНАЛНА АРЕНА БУДИМПЕШТА

Резултати

Екипа	1-во полувреме	2-ро полувреме	Резултат
ХОЛАНДИЈА	15	28	Реми
ХРВАТСКА	13	28	Реми

ХОЛАНДИЈА

#	Играч	Позиција	Исклучување	Голови
3	Ивар Страваст	централен бек	1	1
5	Рутгер тен Велде	лево крило	0	3
6	Нико Блаув	централен бек	0	0
7	Робин Шонакер	лев бек	0	1
9	Флоран Бурже	централен бек	0	4
11	Исо Слујтерс	десен бек	0	0
12	Лук Стеинс	централен бек	1	6
13	Самир Бенганем	пивот	1	2
14	Боби Шаген	десно крило	0	4
17	Иво Стеинс	пивот	0	1
24	Џефри Бомхувер	лево крило	0	0
27	Алек Смит	десно крило	0	0
34	Том Јансен	десен бек	0	5
36	Рене де Кнегт	голман	0	0
70	Тис ван Леувен	голман	0	0
77	Дани Бајенс	централен бек	0	1
	Вкупно		3	28

ХРВАТСКА

#	Играч	Позиција	Исклучување	Голови
1	Кристијан Пилиповиќ	голман	0	0
3	Марино Мариќ	пивот	0	0
8	Анте Гаџа	централен бек	0	1
10	Јаков Гојун	лев бек	0	0
12	Иван Пешиќ	голман	0	0
20	Матео Мараш	десен бек	0	0
21	Верон Начиновиќ	пивот	0	0
27	Иван Чупиќ	десно крило	0	1
33	Лука Циндриќ	централен бек	0	2
41	Тин Луцин	централен бек	0	2
51	Иван Мартиновиќ	десен бек	0	12
53	Марин Шипиќ	пивот	0	8
56	Давор Чавар	лево крило	0	0
57	Филип Главаш	десно крило	0	0
58	Звонимир Срна	лев бек	3	2
62	Марин Јелиниќ	лево крило	0	0
	Вкупно		3	28

Officials

Судии:
Матијас Ватервик -Шведска Мирза Куртагиќ -Шведска

ЕП 2022, ГРУПА 1 – ТАБЕЛА