Репрезентацијата на Македонија денеска ќе го има најголемиот предизвик на Европското првенство. Во последното коло од групната фаза од континенталниот собир противник на избраничките на Љубомир Савевски ќе биде репрезентацијата на Романија, која исто така беше поразена од Франција и Холандија.
Македонија со победа против Романија ќе обезбеди пласман во главната фаза на Европското првенство. Романија е голем фаворит во денешниот натпревар, кој ќе се одигра со почеток од 18:00 часот во СЦ ,,Борис Трајковски”.
Во групата Ц, во која игра и Македонија, двобој за првото место ќе имаат репрезентациите на Холандија и Франција. Двете репрезентации на табелата имаат по четири бодови на свое конто и вечерашниот дуел ќе одлучи која репрезентација евентуално ќе пренесе повеќе бодови во главната рунда.
Освен во Скопје, денес ќе се игра и во Подгорица. Репрезентацијата на Црна Гора, која со победата над Германија го завери пласманот меѓу 12-те најдобри репрезентации на Европското првенство ќе се соочи со незгодната селекција на Полска. За потсетување, Полска во 2. коло ја совлада Шпанија. Во дуелот од 20:30 часот ќе играат репрезентациите на Шпанија и Германија. Шпанија се уште нема победа на Европското првенство и се наоѓа пред елиминација.
Денес активни ќе бидат и дел од македонските интернационалци со своите клубови. Во Сенегал ќе стартува африканскиот шампионат во женска конкуренција и најдобрите четири репрезентации од овој шампионат ќе обезбедат пласман на Светското првенство во 2023 година.
ДЕНЕСКА НА ТЕРЕНИТЕ:
11:00 МАРОКО – ТУНИС (АФРИКАНСКИ ШАМПИОНАТ)
13:00 КОНГО – ГВИНЕЈА (АФРИКАНСКИ ШАМПИОНАТ)
15:00 КАМЕРУН – БРЕГОТ НА СЛОНОВАТА КОСКА (АФРИКАНСКИ ШАМПИОНАТ)
17:00 ПАОК – АЕК АТИНА (ГРЦИЈА)
18:00 ПОЛСКА – ЦРНА ГОРА (ЕП)
18:00 МАКЕДОНИЈА – РОМАНИЈА (ЕП)
18:00 БЕЛГРАД – ПАНЧЕВО (СРБИЈА)
18:30 МАГДЕБУРГ – РАЈН НЕКАР (БУНДЕС ЛИГА)
18:30 СИФ- ХИФК (ФИНСКА)
18:30 СКЈЕРН – МОРС (ДАНСКА)
18:30 ЕСБЈЕРГ – ФРЕДЕРИЦИЈА (ДАНСКА)
19:00 КОЛДИНГ – СОНДЕРЈИСКЕ (ДАНСКА)
19:00 ДУБОЧИЦА – ПАРТИЗАН (СРБИЈА)
19:00 СЕНЕГАЛ – МАДАГАСКАР (АФРИКАНСКИ ШАМПИОНАТ)
19:00 ОСИЕК – СЕСВЕТЕ (ХРВАТСКА)
19:00 ЈИЧИН – ПЛЗЕН (ЧЕШКА)
19:00 АРХУС – ГОГ (ДАНСКА)
19:00 БОРАЦ – ГОРАЖДЕ (БИХ)
19:00 ИСКРА – ИЗВИЃАЧ (БИХ)
19:00 ТУЗЛА – КОЊУХ (БИХ)
19:30 ЛЕМВИГ – СИЛКЕБОРГ (ДАНСКА)
20:00 ГРАЧАНИЦА – СЛОГА ДОБОЈ (БИХ)
20:00 КАШТЕЛА – ГОРИЦА (ХРВАТСКА)
20:00 СИУДАД РЕАЛ – ВАЉАДОЛИД (ШПАНИЈА)
20:30 ГЕПИНГЕН – МЕЛСУНГЕН (БУНДЕС ЛИГА)
20:30 ФРАНЦИЈА – ХОЛАНДИЈА (ЕП)
20:30 ГЕРМАНИЈА – ШПАНИЈА (ЕП)
ПОВРЗАНИ ВЕСТИ
