Вардар му стави СТОП на Флензбург, се врати шампионската форма

Ракометарите на Вардар одиграа одличен натпревар во 4. коло од Лигата на шампионите, а паузата очигледно влијаела позитивно. Со 31:26 го надиграа досега несовладаниот Флензбург и на тој начин му го нанесоа првиот пораз на тимот од Германија.

Ова беше само уште еден показател дека кога „црвено-црните“ играат ангажирано и на ниво тогаш лесно се стигнува до погодоци и до победа против тимовите од Германија.

Екипата на Флензбург беше во предност само на почетокот со 2:0, а Вардар на ова одговори со четири погодоци. Оваа позитива од два гола ја одржуваше неколку минути, а потоа и ја зголеми на три при 9:6 и 10:7.

Откако гостите успеаја да се вратат и да израмнат на 10:10 работите одново дојдоа на свое место односно со неколку одлични минути „црвено-црните“ успеаја да се изборат за предност од 15:11 и ова беше највисоката предност создадена во првиот дел од средбата.

Сепак, во завршните моменти беше дозволено тимот на Флензбург да намали на два гола и на одмор беше 17:15 во корист на „црвено-црните“.

Стартот на вториот дел не беше како што се посакуваше. Флензбург иако тргна добро во вториот дел и казни невнимание на вардарци работите почнаа да се менуваат. Ракометарите на Вардар одново се вратија во ритам. Успеаја да запрат неколку напади, а потоа и да реализираат, па на средина од второто полувреме стигнаа одново до највисоките четири гола разлика и имаа 25:21.

Од тој момент имаше и атракции во играта на Вардар, а тука во главна улога беше капитенот на „црвено-црните“, Стојанче Стоилов кој имаше убави погодоци. На ова се надоврзаа и колегите кои успеваа лесно да реализираат, а на пет минути до крајот беа достигнати и плус шест, 29:23.

Денеска сите одиграа на максимално ниво и тоа даде резултат. Ова беше партија која наликуваше на оние од шампионските сезони така што беа доволно убедливи за да ги заслужат сите честитки.

ВАРДАР 1961ФЛЕНСБУРГ 15 октомври 2020 31 - 26 Крај

Детали

Датум	Време	Лига	Сезона	Match Day	Крај
15 октомври 2020	22:26	ЛИГА НА ШАМПИОНИ А	2020/2021	15.10.2020	60'

Место

СЦ „Јане Сандански“

Резултати

Екипа	1-во полувреме	2-ро полувреме	Резултат
ВАРДАР 1961	17	31	Победа
ФЛЕНСБУРГ	15	26	Пораз

ВАРДАР 1961

#	Играч	Позиција	Исклучување	Голови
1	Борко Ристовски	голман	0	0
3	Патрик Валчак	пивот	0	1
5	Стојанче Стоилов	пивот	1	8
8	Димитар Димитриоски	лево крило	0	0
9	Гоце Георгиевски	десно крило	0	0
15	Кристијан Дисингер	лев бек	3	5
18	Ловро Јотиќ	централен бек	0	5
21	Глеб Калараш	пивот	0	1
24	Анте Гаџа	централен бек	0	0
27	Иван Чупиќ	десно крило	0	4
28	Филип Талески	лев бек	0	2
31	Тимур Дибиров	лево крило	0	4
41	Марко Вујин	десен бек	0	1
44	Јосип Векиќ	десен бек	0	0
77	Робин Кантегрел	голман	0	0
98	Марко Кизиќ	голман	0	0
	Вкупно		4	31

ФЛЕНСБУРГ

#	Играч	Позиција	Исклучување	Голови
1	Бењамин Буриќ	голман	0	0
5	Симон Халд Јенсен	пивот	1	0
11	Ласе Сван	десно крило	0	2
14	Хампус Ване	лево крило	1	2
33	Домен Сикошек Пелко	пивот	0	3
18	Магнус Јондал	лево крило	0	4
19	Маркус Штајнаузер	десно крило	0	0
22	Мадс Менсах Ларсен	лев бек	1	1
23	Горан Согард Јоханесен	централен бек	1	7
24	Џим Готфридсон	централен бек	0	2
30	Торбјорн Бергеруд	голман	0	0
32	Франц Земпер	десен бек	0	2
77	Магнус Абелвик Род	десен бек	3	3
	Вкупно		7	26

ЛИГА НА ШАМПИОНИ ГРУПА А 2020/2021

Поз	Екипа	Н	П	Р	Л	Б.
1	ВЕСПРЕМ	10	9	0	1	18
2	ПСЖ ХЕНДБОЛ	10	7	0	3	14
3	СПОРТИНГ	10	6	1	3	13
4	ФУКСЕ БЕРЛИН	10	6	0	4	12
5	ДИНАМО БУКУРЕШТ	10	5	0	5	10
6	ЕУРОФАРМ ПЕЛИСТЕР	10	2	2	6	6
7	ВИСЛА ПЛОЦК	10	2	0	8	4
8	ХК ФРЕДЕРИЦИЈА	10	1	1	8	3