Вардар заигра добро, се бореше 60 минути, но повторно загуби од Кил

Ракометарите на Вардар забележаа нов пораз во Лигата на шампионите на гостувањето кај Кил со 30:32, но одиграа многу подобро од претходните натпревари и 60 минути се бореа против фаворитот.

Од почетокот се виде дека ова ќе биде интересна средба откако Вардар имаше постојано резултатски приклучок. Двата состави се надигруваа и постојано имаа игра која гарантираше интересно продолжение. Вардар беше во гол позитива од почетокот на средбата, но имаше само еден гол. Кил израмнуваше, па во 13. минута дојде до 9:5, а малку потоа и до 11:6.

И покрај оваа висока негатива, Вардар успеа да се врати благодарение на одбраните на Томовски и добрата игра на Кудуз во нападот кој шутираше без грешка. Разликата падна до два гола, кога се врати потребниот ритам и е чекаше шанса за нешто повеќе. Сепак, на одмор се замина со 16:18, што беше активен резултат и даваше надежи за нешто повеќе.

Вардар се држеше осум минути во игра кога резултатот беше 19:21, а тука дојде до мала криза која домашните ја искористија да казнат и да го зголемат водството до високи седум гола. Во 42. минута веќе беше 26:19 за Кил така што тука стана јасно дека Вардар тешко ќе може да се врати одново во игра за победа.

И покрај вака високото водство на Кил, вардарци дојдоа до минус четири. Стигнаа до 25:29, а потоа браќата Њокас во две акции по ред можеа да намалат на три гола, но и Оливие и Кевин шутираа избрзано. Затоа, пак, Ѓукиќ во следната акција не згреши и успеа да донесе минути три на пет минути до крајот од натпреварот.

На две минути до крај Вардар дојде до 29:31. Томовски бранеше одлично и даде шанса за минус еден, но Чувара беше трагичарот. Шутираше лошо во контрата, па на крајот беше 32:30 за Кил што донесе нови бодови за „зебрите“, а шестти пораз за Вардар во серија во Лигата на шампионите.

КИЛВАРДАР 1961 2 декември 2021 32 - 30 Крај

Детали

Датум	Време	Лига	Сезона	Match Day	Крај
2 декември 2021	22:15	ЛИГА НА ШАМПИОНИ А	2021/2022	02.12.2021	60'

Резултати

Екипа	1-во полувреме	2-ро полувреме	Резултат
КИЛ	18	32	Победа
ВАРДАР 1961	16	30	Пораз

КИЛ

#	Играч	Позиција	Исклучување	Голови
1	Никлас Ландин	голман	0	0
3	Свен Ериг	десно крило	0	5
4	Домагој Дувњак	централен бек	1	5
5	Сандер Сагосен	лев бек	0	8
6	Харалд Рајнкинд	десен бек	0	0
7	Магнус Ландин	лево крило	0	2
13	Штефен Вајнхолд	десен бек	0	1
17	Патрик Винцек	пивот	0	3
18	Никлас Екберг	десно крило	0	1
20	Максимилијан Бенитез	пивот	0	0
21	Дарио Квенштет	голман	0	0
23	Руне Дамке	лево крило	0	2
24	Миха Зарабец	централен бек	0	2
28	Павел Хорак	лев бек	0	0
53	Никола Билик	лев бек	0	0
61	Хендрик Пекелер	пивот	0	3
	Вкупно		1	32

ВАРДАР 1961

#	Играч	Позиција	Исклучување	Голови
5	Стојанче Стоилов	пивот	0	2
6	Оливие Њокас	лев бек	0	2
7	Патрик Валчак	пивот	0	0
8	Јоел Куни Моралес	десен бек	0	2
9	Гоце Георгиевски	десно крило	0	0
10	Кевин Њокас	десен бек	1	2
12	Мартин Томовски	голман	0	0
13	Дијало Бакари	лев бек	0	2
14	Јан Чувара	лево крило	0	1
22	Жереми Тото	пивот	2	5
28	Филип Талески	лев бек	0	2
31	Тимур Дибиров	лево крило	0	2
45	Дарко Ѓукиќ	десно крило	0	1
47	Анте Кудуз	лев бек	0	9
94	Али Сафар	голман	0	0
97	Марко Мишевски	лев бек	0	0
	Вкупно		3	30

ЛИГА НА ШАМПИОНИ – ГРУПА А

ТАБЕЛА

Вујовиќ: Тешко е – цел меч се боревме и бевме блиску, но не освоивме бодови

Томовски: Кил не играше најдобро, но ги казни нашите грешки

Јиха: Вардар се бори до крај – секогаш успева да се врати во игра