Ракометарите на Голден Арт загубија од Олимпијакос со 28-26 во третото коло од групната фаза на меморијалниот турнир „Крсте Андоновски“.
Иако македонскиот тим беше во егал со финалистот скоро цел натпревар, имаше и предност во повеќе наврати, на крајот не успеа да обезбеди барем бод. Голден Арт ќе игра утре за седмото место против четвртопласираниот тим од втората група.
Во првите петнаесетина минути се играше гол за гол, до 8-8, иако македонскиот претставник имаше контрола на резултатот. Следуваше еден пад во играта на Голден Арт, тоа го искористи грчкиот тим.
Поведоа гостите со 11-8, а Голден Арт по неколку интервенции на Даскаловски намали на минус еден. Сепак до крајот на полувремето Олимпијакос си ја врати највисоката разлика и замина на одмор со плус три, 14-11.
Голден Арт врза два гола во серија за 14-13 преку Милошески, а во следните десетина минути успеа да направи и комплетен пресврт, па со погодокот на Јанковски успеа да поведе со 19-18.
Следуваа серија промашувања на избраниците на Глигоров, па Олимпијакос ја презема контрола и водството со 21-19. Ончев влезе во игра и погоди два пати по ред и израмни на 21-21.
Во последните пет минути грчкиот тим влезе со плус пет, 26-25, Шилегов имаше прилика за реми, но не искористи. Сепак Дрпљанин донесе нерешено, 26-26 и драматична завршница. Искусниот Олимпијакос сепак погоди во последната минута, македонскиот тим не успеа да организира добар напад и на крајот прими гол во последните секунди за 28-26.
.
.
Повеќе детали за турнирот во Охрид 2023, вести, табели, резултати, претставување на екипите, распоред на натпреварите,… ќе можете да најдете во делот посветен за турнирот на www.24rakomet.mk во главното мени на страната што ќе биде активен во вторник на 22 август 2023.
Следете не на нашата страница на Facebook и бидете дел од Viber заедницата на 24Ракомет и добивајте ги сите информации веднаш на вашиот телефон.
Можете и да коментирате, да ги кажете вашите размислувања под секоја објава на веста на Вибер.
ПОВРЗАНИ ВЕСТИ
