Ракометарите на Еурофарм Пелистер денеска ќе го одиграат последниот домашен натпревар во рамки од Лигата на шампионите.
Пелистерци, кои во досегашниот тек не освоија бод во елитата, за претпоследен ривал го имаат данскиот вицепрвак Алборг.
На првиот натпревар, кој беше одигран на почетокот на тековната сезона, убедлива победа оствари Алборг, триумфираше со 38:23.
Еурофарм Пелистер ќе се обиде со помош на публиката да се израдува на првите бодови во најквалитетното европско натпреварување.
Натпреварот меѓу Еурофарм Пелистер и Алборг ќе се одигра во спортската сала „Боро Чурлевски“ со почеток во 20:45 часот.
Пренос од овој дуел ќе има на МТВ и на ЕХФ ТВ. Може да го гледате ТУКА и ТУКА.
*линкот на ЕХФ ТВ работи само ако го следите натпреварот од странство, а претходно ќе ви треба регистрација во неколку чекори.
