Раководоството на македонскиот шампион Еурофарм Пелистер му додели благодарница и врамен дрес на екс капитенот Мирко Радовиќ.
Тоа што немаа прилика пелистерци да го сторат во летото кога замина Црногорецот, се случи денеска во СЦ „Борис Трајковски“.
Пред стартот на натпреварот меѓу Еурофарм Пелистер и клубот каде што во моментов игра Радовиќ, Ловќен, потпретседателот на битолчани, Бојан Стерјев, му се заблагодари на десното крило за придонесот во битолскиот клуб.
Радовиќ беше дел од Еурофарм Пелистер четири сезони, од 2019 до 2023 година, и беше капитен на екипата што ја врати титулата во Битола по 18 години пауза во 2023 година, по што се врати во татковината.
