Репрезентацијата на Словенија во првото коло од главната фаза на СП триумфираше над Аргентина со 34:23.
Сепак, избраниците на Урош Зорман не можат да бидат радосни за денешниот триумф, бидејќи на стартот на натпреварот се повреди Нејц Цехте.
Членот на македонскиот шампион Еурофарм Пелистер во 7-та минута при еден обид да погоди, доби удар во пределот на ребрата.
Словенецот веднаш падна на теренот, пристигнаа лекарските екипи и имаше околу десетина минути пауза.
Откако беше утврдено дека Цехте не може да застане на нозе, мораше да биде изнесен на носилки.
Во следниот период би требало да се знае дали станува збор за скршеница, а доколку е така, тогаш отсуството на Цехте ќе биде голем удар и за пелистерци.
