Новиот селектор на репрезентацијата на Хрватска, Хрвоје Хорват веќе ги направи првите промени во откако седна на клупата на „коцкестите“. Тој повеќе нема да смета на досегашниот физиотерапевтски тим Дамир Кајба и Филип Шимуновиќ.
Оваа одлука на селекторот особено го погоди Дамир Кајба кој со видео порака се огласи на социјалната мрежа Фејсбук каде што го изрази своето незадоволство од начинот на кој тоа му било соопштено.
„Почитувани навивачи и љубители на хрватската ракометна репрезентација, би сакал да ве известам дека вчера во нашиот многу краток телефонски разговор, нашиот нов тренер на многу перфиден и груб начин ме извести дека колегата Фичо и јас повеќе не сме потребни на репрезентација и етикетирани сме како причина за неуспехот на хрватската ракометна репрезентација. Со цел да ги заштитам мојот углед и интегритет, би сакал да ги посочам причините што доведоа до оваа одлука. Ова мое соопштение не е израз на гнев и бес бидејќи секој тренер има автономно право да избере свој штаб, иако тоа досега не беше практика во ракометната федерација. Сепак, на овој начин, да го очекувам ова од луѓето со кои секој ден седам на маса, и од луѓето околу репрезентацијата и од луѓето што ги сметаш за пријатели, на овој начин не го заслуживме тоа. Дотолку повеќе што на секое натпреварување, јас и Фичо бевме на располагање на националниот тим и на целиот стручен штаб од 0-24 часот, извршувајќи ги апсолутно сите работни обврски и оние што не се во наш домен. Неколку пати досега, а повеќе нема, јас ја спуштив главата, за да одржам некаков ред во националниот тим, но само гледав како се плука на мојот образ, мојата чест и мојата искреност и целата емоција што ја покажав кон оваа репрезентација. Исто така, сакав да го заштитам достоинството на професијата и сè што направив во националниот тим, искрено го направив сакајќи да го заштитам здравјето на играчите и сакам да ја покажам и посочам на главната причина што доведе до оваа одлука и да покажам јавно и гласно аргументирано кој не заслужи да бидат член или да го носи дресот на Хрватска. Ќе ве поздравам со мојата, пред се Хрватска, но Хрватска без ситни интереси и без скриени намери“, рече Кајба во видеото.
