Иако Норвешка е европски шампион, најголемото внимание на ракометната јавност во Европа е насочено кон бронзената Хрватска.
Избраничките на Ненад Шоштариќ ги шокираа сите ракометни познавачи и стигнаа до третото место откако славеа над домаќинот на ЕП, Данска со 25-19.
Честитки пристигнуваа од сите страни, низ медиумите во Хрватска се пишува само за најголемиот успех во историјата на женскиот ракомет, а најдобрите спортисти се огласија на социјалните мрежи.
Лука Модриќ, Марин Чилиќ, Домагој Дувњак…сите фудбалски, кошаркарски, ракометни колективи, голем број личности од јавниот живот, луѓе од власта…не ја пропуштија шансата да им честитаат на „кралиците на шокот“ за успехот во Данска.
Најчестиот коментар беше „Ни ја направивте сјајна оваа 2020 година“…
