Женскиот тим на Вардар денеска ќе го пречека Куманово во 10. коло од Супер женската лига и ова е натпревар на тимовите кои ги имаат првите две позиции на табелата.
Вардарки во петокот го претпреа првиот пораз сезонава на гостувањето кај Металург, па денеска ќе се обидат да надоместат иако ќе биде многу тешко бидејќи составот на Куманово досега е единствениот со максимални 24 бода.
Кумановки се лидери на табелата и ќе се обидат да го одбранат првото место со нова победа. Сепак, во Скопје кај Вардар нема да биде така лесно и ќе мора да дадат максимум на терен доколку сакаат да успеат.
На другите терени ситуацијата е нешто поинаква. Домашните се главно фаворити, а возбудувања може да има во Гевгелија каде што гостува составот на Шампион.
СУПЕР ЖЕНСКА ЛИГА
ДВОЈКИ ЗА 10. КОЛО
НЕДЕЛА, 25 ОКТОМВРИ
13:00ч
СПАРТАК – ОВЧЕ ПОЛЕ СУ
Сала: „Круме Кепески“ во Скопје. Судии: Благоја Кимовски и Блаже Михајлов од Скопје. Делегат: Љупчо Јаневски од Скопје.
14:00ч
ГЕВГЕЛИЈА – ШАМПИОН
Сала: „26 Април“ во Гевгелија. Судии: Стојанчо Јовановски и Виктор Андонов од Скопје. Делегат: Ерик Белимов од Скопје.
15:30ч
СТРУЖАНКА – КУЗМАН ВАРДАР
Сала: „Нико Нестор“ во Струга. Судии: Викторија Прентоска и Наташа Глигороска од Струга. Делегат: Славчо Каланоски од Струга.
16:00ч
ВАРДАР – КУМАНОВО
Сала: СЦ „Јане Сандански“ во Скопје. Судии: Дејан и Димитар Георгиевски од Скопје. Делегат: Марјан Огњановски од Скопје.
19:00ч
ЃОРЧЕ ПЕТРОВ – МЕТАЛУРГ
Сала: „Христо Батанџиев“ во Скопје. Судии: Лејла Јашар и Михаела Капсарева од Скопје. Делегат: Лери Мирчевски од Скопје.
ОДЛОЖЕН НАТПРЕВАР
ПЕЛИСТЕР – ЧАИР
Сала: „Боро Чурлевски“ во Битола. Судии: Наум Танески од Струга и Пеце Стефановски од Охрид. Делегат: Александар Стефановски од Битола.
ДЕСПИНА е слободна
