Поранешниот селектор на Хрватска, Славко Голужа повторно беше споменуван како опција за хрватската клупа, но изборот падна на Хрвоје Хорват.
Голужа за хрватски РТЛ говореше за причините за неуспехот на Хрватска на Светското првенство во Египет, а не сакаше да го коментира изборот на нов селектор.
„Јас ќе кажам вака, во клубовите се станува играч а во репрезентацијата се станува ѕвезда. Играчите многу повеќе би требало да покажуваат во своите клубови, за потоа да имаа што да прикажат во репрезентацијата. Ниту во текот на првенството не коментирав за слекторското место нема ниту сега“, рече Голужа.
На Хрватска и претстојат квалификации за Олимписките игри, а Голужа избегна да коментира дали ќе обезбедат пласман, само рече дека ја сака својата земја.
