Ракометарите на Веспрем ја остварија првата победа во подготвителниот период за новата сезона откако во пријателска средба беа подобри од конкурентот во домашното првeнство Татабања со 32:25.
После израмнетиот почеток и резултат 5:5, Веспрем искористи неколку грешки на противникот и веќе во 15. минута има водство од 12:8. До крајот на првиот дел Татабања стигна до израмнување но во финишот Манасков и Лекаи погодија за 18:16 предност за Веспрем на полувреме.
Во продолжението на натпреварот Момир Илиќ продолжи да прави ротации во својот тим, а добрата одбрана донесе резултат и многу брзо Веспрем повтроно имаше четири предност. До крај на мечот Манасков и соиграчите немаа проблеми да ја сочуваат пoзитивата и да стигнат до победата.
Дејан Манаков натпреварот го заврши со два погодоци и едно промашувања. Најефикасни во составот на Веспрем беа Ненадиќ и Мае со по пет погодоци додека Цупара беше одличен со седум интервенции.
