Вардар заслужи повеќе, но ќе се врати со пораз од Брест

Ракометарите на Вардар имаа добра игра во Белорусија, можеби и најдобра од почетокот на подготовките, но од дуелот со Мешков Брест се враќаат како поразени. Загубија со 22:24, а малку недостигаше да си заминат од ова гостување со два поени.

Во првиот дел имаше различни периоди во играта. Првите десет минути со израмнета игра во која немаше предност ниту на едната ниту на другата страна. Потоа следуваа минути за Мешков Брест. Овој тим успеа да дојде до предност од четири гола и да води со 11:7. Сепак, вардарци успеаја да се вратат и да намалат на два гола.

Имаа шанси на одмор да заминат со негатива и од еден гол, но на паузата беше 12:10 за Мешков Брест.

Вториот дел почна лошо. Мешков Брест многу брзо успеа да ја врати позитивата од четири гола која беше највисока на средбата. Прво се дојде до 14:10, а во 35. минута беше и 15:11.

Ова беше клучниот период во средбата бидејќи тука одбраната на Вардар дојде до израз. Конечно приодите кон голот на добриот Ристовски беа затворени. Неколку украдени топки, неколку запрени напади на противникот и во 43. минута Вардар имаше водство од 17:15.

Иако овие два гола беа загубени, сепак, не се дозволи Мешков Брест да направи пресврт. Искуството на повеќето вардарци беше пресудно и беше направено сè за да се зачува предноста. На почетокот на последните десет минута разликата одново беше да гола, а Вардар имаше 20:18.

Одново предноста беше брзо загубена. Неполни две минути беа доволни за 20:20 и тука стартуваше игра на нерви, игра на еден потег во кој решаваа моменти и нијанси. На 22:21, Вардар имаше напад за предност од два гола кои на нешто повеќе од три минути до крајот ќе дадеа сигурност. Меѓутоа не одеше така како што се планираше, па Мешков Брест одново израмни.

На две минути до крај во акција во која се прекомбинираа, пак, му дадоа простор на ривалот да се врати во средбата и да поведе со 23:22, па ова беше причина Алушовски да побара тајм-аут. Долгата акција заврши со лошо проигрување до Стоилов, а потоа откако не беше пресечена една топка Паниќ стави крај за победа за Мешков брест од 24:22.

МЕШКОВВАРДАР 1961 16 септември 2020 24 - 22 Крај

Детали

Датум	Време	Лига	Сезона	Match Day	Крај
16 септември 2020	19:42	ЛИГА НА ШАМПИОНИ А	2020/2021	16.09.2020	60'

Резултати

Екипа	1-во полувреме	2-ро полувреме	Резултат
МЕШКОВ	12	24	Победа
ВАРДАР 1961	10	22	Пораз

МЕШКОВ

#	Играч	Позиција	Исклучување	Голови
1	Иван Пешиќ	голман	0	0
3	Дмитри Санталов	лев бек	0	0
4	Јахор Буџејка	десен бек	0	0
8	Марко Паниќ	десен бек	0	7
9	Александер Шкурински	лев бек	0	3
12	Иван Мацкевич	голман	0	0
14	Андреј Јуринок	лево крило	0	3
20	Сташ Скубе	централен бек	0	2
22	Вјачеслав Шумак	пивот	0	0
25	Данила Вјархечјук	десен бек	0	0
33	Павел Пачковски	десен бек	0	1
42	Арцјом Селвасјук	пивот	0	1
55	Никита Вајлупов	десно крило	0	6
66	Јака Малуш	централен бек	0	1
76	Илја Тамашук	лево крило	0	0
77	Владимир Врањеш	пивот	0	0
	Вкупно		0	24

ВАРДАР 1961

#	Играч	Позиција	Исклучување	Голови
1	Борко Ристовски	голман	0	0
3	Патрик Валчак	пивот	0	0
5	Стојанче Стоилов	пивот	0	0
8	Димитар Димитриоски	лево крило	0	0
9	Гоце Георгиевски	десно крило	0	0
15	Кристијан Дисингер	лев бек	1	4
18	Ловро Јотиќ	централен бек	1	2
21	Глеб Калараш	пивот	1	1
24	Анте Гаџа	централен бек	0	2
27	Иван Чупиќ	десно крило	1	5
28	Филип Талески	лев бек	0	0
31	Тимур Дибиров	лево крило	0	2
41	Марко Вујин	десен бек	0	6
44	Јосип Векиќ	десен бек	1	0
77	Робин Кантегрел	голман	0	0
98	Марко Кизиќ	голман	0	0
	Вкупно		5	22

Officials

Делегат:	Судии:
СЕРГЕЈ ХОТ	ЕВЕГЕНИЈ ЗОТИН НИКОЛАЈ ВОЛОДКОВ