Бутел за малку ќе направеше од „готово – вересија“ во Битола

Екипата на Бутел во првото коло од плеј-оф фазата од Супер машката лига дојде до победа на гостувањето во Битола кај Еурофарм Пелистер 2 откако во неизвесна завршница триумфираше со 32:31. Составот на Еурофарм Пелистер 2 на овој натпревар беше драстично ослабен, недостасуваа Павле Петровиќ, Иван Димитроски, Никола Стоилевски и Димитар Димитриоски поради повреда.

Ракометарите на Еурофарм Пелистер 2 тешко се справуваа со поискусните играчи на Бутел, кои во првото полувреме покажаа моќно издание и речиси сите грешки на противникот ги казнуваа со погодок. Со погодоците на Тот и Мајиќ, гостите од Скопје стартуваа со водство од 3:0. Првиот погодок домаќините го постигнаа во 7. минута преку Цветан Кузмановски и во преостанатиот дел од првите 30 минути заостануваа на сериозна негатива.

Бутелци во два наврати водеа со седум гола позитива, 10:3 и 11:4. Ракометарите на Александар Јовиќ немаа предводник во своите напади, па така првите шест погодоци за Еурофарм Пелистер 2 беа постигнати од шест различни играчи.

По водството на Бутел од 11:4, помладите „фармацевти фатија ритам, направија серија од 4:0 и ја преполовија негативната разлика на минус четири, 11:7. Гостинскиот состав продолжи во ист ритам, постигна уште шест погодоци и на полувреме замина со плус пет, 17:12.

Бутел во второто полувреме до 50. минута константно беше во водство од четири до пет гола разлика. Во текот на 40. минута резултатот беше 21:16 за избраниците на Кристијан Грчевски. На голот на Бутел, Чаневски, никако не дозволуваше домаќините да влезат во налет и на секоја нивна акција за камбек одговараше со интервенција.

Во последните десет минути дојде до големо опуштање во редовите на Бутел. Еурофарм Пелистер 2 го искористи падот во играта на гостите и успеа да намали само на минус два негатива, 28:26, во 54 минута, а две минути подоцна, Кузманоски повторно беше успешен од контра за минус еден, 28:27.

Драмата на натпреварот продолжи до последната секунда. Бутел во последниот напад не успеа да дојде до реализација, а во последните пет секунди, Еурофарм Пелистер немаше време да организира напад за реми.

ЕУРОФАРМ ПЕЛИСТЕР 2БУТЕЛ 5 март 2022 31 - 32 Крај

Детали

Датум	Време	Лига	Сезона	Match Day	Крај
5 март 2022	23:49	ПЛЕЈ ОФ СУПЕРЛИГА	2021/2022	05.03.2022	60'

Место

Спортска сала „Боро Чурлевски“

Резултати

Екипа	1-во полувреме	2-ро полувреме	Резултат
ЕУРОФАРМ ПЕЛИСТЕР 2	12	31	Пораз
БУТЕЛ	17	32	Победа

ЕУРОФАРМ ПЕЛИСТЕР 2

#	Играч	Позиција	Исклучување	Голови
1	Владимир Митревски	голман	0	0
1	Бобан Ристевски	голман	0	0
3	Цветан Кузманоски	лево крило	0	4
7	Андре Буторац	десен бек	0	2
8	Павле Атанасијевиќ	централен бек	0	6
9	Васко Димитровски	пивот	0	1
10	Христијан Митревски	десен бек	0	0
12	Христијан Јовановски	голман	0	0
16	Благојче Трајкоски	голман	0	0
23	Стефан Талевски	централен бек	0	2
33	Петар Атанасијевиќ	лево крило	0	3
34	Емилијан Ѓорговски	лев бек	0	4
44	Ненад Белистојановски	-	0	0
66	Милан Ѓукиќ	десно крило	1	5
88	Димитриј Блажевски	десен бек	0	1
99	Филип Арсеновски	пивот	0	3
	Вкупно		1	31

БУТЕЛ

#	Играч	Позиција	Исклучување	Голови
5	Иван Андревски	-	0	0
7	Томче Стојановски	лев бек	1	0
8	Димитар Ѓеоргиевски	централен бек	1	4
10	Марко Митев	централен бек	0	2
14	Бојан Спасовски	пивот	0	0
15	Златко Мојсоски	десно крило	0	7
17	Бојан Спасовски	десен бек	0	0
28	Градимир Чаневски	голман	0	0
30	Бојан Блажевски	голман	0	0
33	Владимир Јевтиќ	пивот	0	4
64	Мирко Мајиќ	лево крило	1	7
94	Денис Тот	десен бек	0	7
96	Кристијан Давитковски	десен бек	0	0
22	Стефан Стојчевиќ	пивот	0	0
34	Кристијан Василевски	пивот	1	1
	Вкупно		4	32

Officials

Судии:	Делегат:
НАЧЕВСКИ ЃОРЃИ НИКОЛОВ СЛАВЕ	НИКОЛОВСКИ АЦО