Членката на Металург Автокоманда, Симона Грујовска, го доби признанието за најкорисен играч, односно ѕвезда на 20. коло од плеј-оф фазата во Женската лига.
Голманката беше меѓу најзаслужните за триумфот на нејзиниот тим против шампионот Ѓорче Петров и тоа на негов терен.
Грујовска на гласањето доби 82% од гласовите на читателите на 24Ракомет и беше далеку напред пред конкурентките.
Во конкуренција за ѕвезда на 20. коло од плеј-офот беа и ракометарките на Чаир (Стефанија Ѓорѓиевска) и Куманово (Росана Павлова).
