Селекторот на машката репрезентација на Словенија, Урош Зорман, го објави скратениот список на ракометари пред настапот на СП 2025.
Зорман направи рез и нема да смета за Мундијалот на искусните Деан Бомбач и Јуре Доленец, а ниту на поширокиот список не беа Матеј Габер и Гашпер Маргуч.
На списокот се најде екс пелистерецот Урбан Лесјак, како и актуелниот член на битолскиот тим, Нејц Цехте.
Словенците ќе одиграат три пријателски средби пред Мундијалот – на 5 јануари против Алжир, на 7 против Катар, а генералката ќе ја имаат против Хрватска на 10 јануари.
Избраниците на Зорман се во група со Куба, Исланд и Зеленортските Острови на СП 2025.
