Според пишувањата на данскиот „Ругтеборс“, повремениот репрезентативец на Португалија, Жоаким Назаре, би можел да биде ново засилување на најтрофејниот хрватски ракометен клуб Загреб.
Станува збор за 24-годишен десен бек, кој од сезоната 2023/24 настапува во Данска, каде го носи дресот на еден од најреномираните клубови, Скјерн.
Назаре претходно беше дел од Асобал лигата и играше за Куенка две сезони, а во втората беше најдобар стрелец во првенството.
Во татковината ги носеше дресовите на Боа Хора, Виторија и Бенфика. Токму во редовите на лисабонскиот гигант ги мина сите младински селекции и стигна до сениорскиот тим.
Загреб во моментова на десната бековска позиција ги има Гиорги Сковребадзе и Лука Ловре Кларица, но Кларица на лето заминува во Келце, па Назаре би бил одлична замена.
