Ракометарите на Еурофарм Пелистер денес во рамки од 8. коло од Лигата на шампионите ќе играат против ПИК Сегед.
Овие две екипи се сретнаа минатиот викенд во Сегед и дуелот заврши со победа на унгарскиот вицепрвак од 34:26.
Пелистерци ќе се обидат да се покажат во уште подобро светло и со помош на публиката да дојдат до освојување на првите бодови во елитата.
Натпреварот меѓу Еурофарм Пелистер и ПИК Сегед ќе се одигра со почеток од 18:45 часот во спортската сала „Боро Чурлевски“, а може да го гледате ТУКА и ТУКА.
Правдата на теренот ќе ја делат браќата Карим Гасми и Рауф Гасми од Франција, додека делегат ќе биде Алин Сергиу Чирлигеану од Романија.
