Со дуелот во Автокоманда меѓу „витамините“ и Преспа стартуваше новото прволигашко коло.
Домаќините без никакви проблеми го совладаа гостинот од Ресен со 44-24, oткако и на полувремето момците на Миле Бочкаровски водеа со 20-13.
Филип Симоноски беше најдобар стрелец со девет погодоци за победничкиот тим, а по осум пати погодија Даријан Ѓокески и Христијан Ѓурмешевиќ.
Во составот на Преспа се истакна Христијан Ристевски со 12 голови.
Во следното коло „витамините“ од Автокоманда, кои и натаму се на максимум, ќе гостуваат кај Младост Богданци, додека Преспа е слободна.
