„Витамините“ од Автокоманда прославија нов прволигашки триумф, откако славеа на гостувањето кај Јехона со 44-24.
Уште на полувремето избраниците на Миле Бочкаровски водеа со 23-12 и го решија прашањето на победникот.
На теренот доминираа Јован Петрески со седум, како и триото Џигероски, Ѓокески и Поповски со по шест погодоци во победничкиот тим.
Кај Јехона, искусниот Адис Салиу и Стефан Маринкоски постигнаа по шест гола, но тоа беше премалку за позитивен резултат.
Во следното коло „витамините“ од Автокоманда ќе играат дома со Партизан Гевгелија, а Јехона ќе игра дома со Текстилец.
