Македонскиот вицепрвак оствари победа во натпреварот од 6. коло од Супер лигата, откако на гостувањето во Куманово кај истоимената екипа славеше со убедливи 34:21.
Гостите доминираа во текот на мечот, домаќинот беше рамноправен само до 1:1, потоа се одеше според планот на „сините“ кои од минута во минута ја зголемуваа предноста за 19:9 на полувреме.
На почетокот на вториот дел, односно во 31 минута, црвен картон поради три исклучувања заработи Марко Стојковиќ, но тоа не ги поремети гостите, имаа поголема ротација, лесно доаѓаа до погодок и константно ја одржуваа стекнататапредност од првото полувреме.
Кај победничките екипа се истакна Михајло Младеновиќ со девет погодоци, шест запиша Мартин Серафимов.
Единствено во составот на Куманово расположен за игра беше репрезентативецот на Грузија, Уча Гамзардија, постигна девет погодоци.
