Унгарскиот Веспрем ја продолжува трката по директно место во четвртфиналето откако славеше на гости кај Порто со убедливи 40-26.
Избраниците на Момир Илиќ немаа никакви проблеми против тимот на македонскиот голман Никола Митревски и уште на полувреме водеа со 21-11.
Капитенот на Македонија доби минутажа на овој натпревар и одбрани осум удари на ракометарите на Веспрем.
Најдобри стрелци кај победникот беа Јахја со шест, како и Ремили и Фабрегас со по пет гола, а кај Порто, Фернандез беше стрелец на пет погодоци.
Вреди да се одбележи и одличната вечер на голманскиот двоец на Веспрем – Коралес и Јенсен, кои искомбинираа 22 одбрани.
Унгарскиот гигант сега има 16 бодови на третото место и ќе го брка Магдебург кој е втор со 18, односно Барса која е прва со 20 бода.
ПОВРЗАНИ ВЕСТИ
