Арон Палмарсон, кој ова лето ја заврши својата професионална кариера, ќе го одигра својот проштален натпревар на 29 август, кога на Исланд ќе се сретнат унгарскиот Веспрем и Хафнајфјордур.
Според програмата на Веспрем за месец август, тимот ќе пристигне во Исланд на 26 август, каде ќе одржи четиридневни подготовки, а како завршница на престојот, ќе настапи на свечениот проштален натпревар за Палмарсон. Покрај самиот меч, се најавува и богата програма за публиката.
Палмарсон беше дел од Веспрем минатата сезона, како и во периодот од 2015 до 2017 година, освојувајќи три шампионски титули со клубот.
Поради здравствени причини, не успеа да се прости од клубот и навивачите во пролетта, кога го пропушти последното финале против ПИК Сегед на домашен терен.
