Ракометарите на Веспрем по титулата на Светското клупско првенство, продолжија со одличните игри и во Лигата на шампионите, откако на домашен терен го совладаа Динамо Букурешт со убедливи 36-24.
По 4-4 на стартот на мечот, Веспрем направи серија од шест гола, и веќе немаше назад за романскиот шампион. До крајот на полувремето домашните имаа залиха од осум погодоци, 19-11.
Во вториот дел расположениот голман Коралес со 12 одбрани, како и Ремили со шест, односно Косоротов и Деска со по пет погодоци, го дотолчија Динамо, во кој се истакнаа Лангаро со пет и Кашпарек со четири гола.
Фуксе Берлин имаше проблеми со Висла Плоцк, но на крајот успеа да прослави триумф со 25-24, откако левото крило Џери Толбринг погоди на три секунди до крајот. Полскиот шампион одржуваше егал во текот на целиот прв дел, а во второто полувреме водеше и со плус два, 15-13.
Но црвен картон доби Давижик, Гидсел и Виде поведоа серија на „лисиците“, па домашните на десетина минути до крајот поведоа с 20-17. Намали Висла на 23-22, Рајхман промаши пенал и потоа Јанц израмни кога остануваа да се играат уште 120 секунди.
Гидсел и Цокан постигнаа по гол за ново реми, и за Фуксе Берлин останаа 15 секунди. Домаќините организираа напад, а херој за двата бода беше Толбринг, која на три секунди го даде победничкиот гол.
