Селекторот на репрезентацијата на Холандија, Штефан Олсон, го објави списокот на играчи за првите квалификациски натпревари за пласман на континенталниот собир 2026.
Како што е познато, во текот на ЕХФ неделата во периодот од 4 до 11 ноември, ќе се одиграат првите два воведни натпревари од квалификациите за ЕП 2026, кое ќе се одржи во три земји – Данска, Шведска и Норвешка.
Холандија во квалификациите за пласман на Европското првенство 2026 за ривали ги има репрезентациите на Украина, Косово и Фарски Острови, а селекторот Олсон за првите натпревари смета и на кружниот напаѓач од Вардар, Ларс Коиј.
Избраниците на Олсон првиот квалификациски натпревар ќе го одиграат на 7 ноември против Украина, потоа на 10 ноември ќе гостуваат во Приштина кај Косово.
ПОВРЗАНИ ВЕСТИ
