Екипата на Вардар дојде до третата победа во плеј-оф фазата, откако на свој терен триумфираше над Куманово со 33:24 во натпревар од 11. коло.
Во првите 30 минути главно се играше гол за гол, а „црвено-црните“ на пауза заминаа со предност од два гола, 17:15.
Вардарки до победата дојдоа со одлична игра во вториот дел, во кој постигнаа 16, а примија само девет гола.
Голем хендикеп за гостинскиот тим беше црвениот картон на Сара Цветановска, која на петнаесетина минути пред крајот мораше да се пресели на трибините.
Токму во последниот дел Вардар со цврста одбрана и ефикасен напад ја направи разликата, осигурувајќи убедлив триумф.
Најефикасна кај Вардар беше Сара Богојеска со десет погодоци, шест постигна Леона Миленковска, а пет реализации имаше Ивона Кимовска.
Кај Куманово се истакнаа Сузана Зечевиќ со осум и Нена Нестороска со седум погодоци. Во следното коло, Вардар ќе гостува кај Металург Автокоманда, додека Куманово ќе го пречека Чаир.
