Холандскиот репрезентативец Ларс Коиј по само една сезона во Македонија ќе си замине од тимот на Вардар.
Од претстојното лето тој се враќа во Германија, и ќе го носи дресот на бундеслигашот Бергишер најмалку до 2027 година.
Коиј имаше одлични партии во Лигата на Европа, но и на Светското првенство во дресот на Холандија, па јасно беше дека ќе го привлече вниманието на многу клубови.
Ова е камбек за кружниот напаѓач во Германија, откако таму играше за Емстеден, Хам Вестфален, а беше дел и од академијата на Фленсбург. Дел од кариерата мина и во данскиот Тондер.
