Тимот на Вардар продолжува со составувањето на играчкиот кадар за наредната сезона во која ќе влезе практично со истиот состав.
Откако беа задржани четирите голманки и трите пивоти, Вардар го потврди останувањето на петте крила од минатата сезона.
Првиот стрелец на „црвено-црните“, Леона Миленкоска, ќе остане и наредната сезона во Вардар, а покрај неа уште четири ракометарки.
Станува збор за Ивана Трифуновска, Ива Кимовска, Драгана Тодоровска и Јана Стојанова, па предводничката Анжела Платон ќе има познат тим на располагање.
