Новата натпреварувачка сезона ќе биде без еден тим кој досега постојано имал екипа, своевремно дури и во Супер лигата, и во сите младински категории. Но, за оваа 2025/2026 не пријавија ниту една екипа, односно се откажаа од играњето во младинската лига каде пријавија тим.
РФМ ги информираше другите клубови дека екипата на Скопје се откажа од натпреварување во младинска машка лига, и сега остануваат 10 екипи. Со тоа ќе се менува и системот на натпреварување. Скопје имаше екипа и во Женската лига, но лани беа исфрлени од лигата, по што престана да функционира и тој тим.
Во новата сеоана ќе се игра еднокружно, односно 18 кола (9 дома/9 гости), а потоа ќе се игра плеј-оф и плеј-аут. Во плеј-оф ќе учествуваат екипите од 1–6 место, а во плеј-аут од 7–10.
Во плеј-оф и плеј-аут ќе се игра еднокружно, односно 10 кола плеј-оф (5 дома/5 гости), додека плеј-аут 6 кола (3 дома/3 гости).
Во младинската лига во новата сезона ќе играат екипите на Куманово, Алкалоид, Еурофарм Пелистер, Вардар Неготино, Мулти Есенс, Пролет, Вардар, Еурофарм Пелистер 2, Тиквеш и Бутел Скопје.
