Десното крило Андреј Георгиев беше најдобар стрелец во тимот на Еурофарм Пелистер на полуфиналниот дуел од квалификацискиот турнир за Ф4 во Лигата на шампионите.
Битолчани победија со 24-23, а Георгиев успеа да погоди 12 пати или половина од головите на неговиот тим, од кои десет беа во првото полувреме.
Кадетскиот репрезентативец кој има 16 години и минатата сезона играше на четири меча во ЛШ против Келце, Динамо Букурешт, ГОГ и Барселона.
Георгиев минатата сезона стана шампион во кадетската лига на Македонија, а оваа сезона игра и во кадетскиот и младинскиот шампионат.
Во кадетска конкуренција Георгиев е втор стрелец и на 12 меча досега даде 107 гола, додека во младинска, десното крило е на четвртото место и на 17 меча има 128 погодоци.
Еурофарм Пелистер ја доби драмата со Алборг – ќе игра за Ф4 во Лигата на шампионите!
