Репрезентацијата на Данска со денешната победа над Холандија од 30:26 обезбеди пласман во полуфиналето на Европското првенство 2024, како и директно место на Мундијалот во 2025.
Како што е познато, Светското првенство наредната година ќе се одржи во Германија и Холандија, а освен двата домаќини, како и Данска, директно место од ЕП обезбедија репрезентациите на Норвешка и Унгарија, кои ќе се сретнат во полуфиналето на континенталниот собир.
Загарантирано место меѓу најдобрите светски репрезентации, без играње бараш натпревари, има Франција, која е актуелен светски првак, а на ова Европско првенство посакува повторување на успехот од пред две години.
Македонија ќе биде во вториот шешир пред ждрепката, а потенцијални ривали на нашата репрезентација се оние репрезентации од првиот шешир.
Тоа се Шведска, Црна Гора, Полска, Романија, Словенија, Швајцарија, Шпанија, Австрија, Чешка, Исланд и Фарски Острови.
Светското првенство 2025 ќе се одржува во периодот од 27 ноември до 14 декември.
