Селекторот на Хрватска, Дагур Сигурдсон, ќе има големи проблеми со составот пред двомечот со Чешка од квалификациите за ЕП 2026.
По пензионирањето на триото Карачиќ, Дувњак и Пешиќ, од комбинација отпаднаа двата стартни бекови – левиот Звонимир Срна и десниот Иван Мартиновиќ.
Срна се повреди на дуелот со Колстад од Лигата на шампионите, има повреда на задната ложа и ќе биде во аут најмалку месец дена, па ќе ги пропушти и најважните средби на Загреб против Алборг и Келце.
Мартиновиќ пак го повреди десното колено на дуелот со Гумерсбах и ќе паузира неколку недели.
Тоа значи дека поголема шанса на бековските позиции можеби ќе добијат Јосип Шарац, Тин Лучин и Лука Ловре Кларица на двомечот со Чешка.
