Во периодот од 13 до 16 август ќе се одигра традиционалниот ТВ Турнир на шампионите во босанскиот град Добој.
Станува збор за еден од најпрестижните ракометни настани во регионот, кој годинава ќе понуди квалитетно натпреварување, без присуство на македонски клубови.
Шест силни екипи ќе се борат за трофејот – германските гиганти Кил и Гумерсбах, унгарскиот Веспрем, египетскиот Ал Ахли (актуелен шампион), турскиот Бешикташ и домаќинот Слога.
На минатото издание, претставник од Македонија беше Еурофарм Пелистер, а покрај домашната екипа Слога и шампионот Ал Ахли, учествуваа уште Татабања (Унгарија), Загреб (Хрватска), Црвена Ѕвезда (Србија) и Бешикташ (Турција).
Тимот на Ал Ахли славеше во финалето против екипата на Загреб, триумфирајќи со три гола разлика, 33:30, а во идеалниот тим се најде и десниот бек на Еурофарм Пелистер, Усама Хосни.
