Единствениот специјализиран портал за ракомет, 24Ракомет, сезонава повторно избира „Ѕвезда на колото“ во женската Супер лига.
Читателите ќе имаат можност да ја изберат ракометарката што најмногу покажала во колото што е завршено, и да биде избрана за „Ѕвезда на колото“.
На крајот од сезоната ќе има избор и на Идеален тим на сезоната, што за третпат ќе биде направен во првенството на Македонија.
Читателите ќе може да гласаат за една од ракометарките, и според освоените гласови една од номинираните ќе го понесе и епитетот „Ѕвезда на колото“.
Со помош на вашите гласови ќе ја одбереме најдобрата ракометарка, која ќе биде ѕвезда, односно МВП на второто коло од плеј-оф фазата во единствената женска сениорска конкуренција во Македонија.
Во изборот за ѕвезда на второто коло од плеј-оф фазата има по една ракометарка од Чаир, Металург Автокоманда и Ѓорче Петров.
За ѕвезда на колото може да гласате до петок до 12:00 часот.
Женска лига, плеј-оф, 2. коло, резултати:
Ѓорче Петров – Астибо 48:17 (ИЗВЕШТАЈ)
Металург Автокоманда – Вардар 33:18 (ИЗВЕШТАЈ)
Чаир – Куманово 31:26 (ИЗВЕШТАЈ)
ТРИ ЅВЕЗДИ НА 2. КОЛО ОД ПЛЕЈ-ОФ ФАЗАТА ВО ЖЕНСКАТА ЛИГА
Теодора Гулицоска (Чаир) – Искусната ракометарка беше предводник на вицепрвакот во победата над Куманово, натпреварот го заврши со девет погодоци.
Амра Терзиќ (Металург Автокоманда – Голманката на амбициозниот тим беше на висина на задачата против Вардар и за 23 минути забележа девет одбрани.
Емилијана Ризоска (Ѓорче Петров) – Битолчанката беше непогрешлива на натпреварот против Астибо и зад своето име запиша 12 погодоци и подели неколку асистенции кон своите колешки.
