Единствениот специјализиран портал за ракомет, 24Ракомет, сезонава повторно избира „Ѕвезда на колото“ во женската Супер лига.
Читателите ќе имаат можност да ја изберат ракометарката што најмногу покажала во колото што е завршено и да биде избрана за „Ѕвезда на колото“.
На крајот од сезоната ќе има избор и на Идеален тим на сезоната, што за третпат ќе биде направен во првенството на Македонија.
Читателите ќе може да гласаат за една од ракометарките, и според освоените гласови една од номинираните ќе го понесе и епитетот „Ѕвезда на колото“.
Со помош на вашите гласови ќе ја одбереме најдобрата ракометарка, која ќе биде ѕвезда, односно МВП на 19. коло од плеј-оф фазата во единствената женска сениорска конкуренција во Македонија.
Во изборот за ѕвезда на 19. коло од плеј-оф фазата има по една ракометарка од Ѓорче Петров, Металург Автокоманда и Вардар.
За ѕвезда на колото може да гласате до петок до 12:00 часот.
Женска лига, плеј-оф, 19. коло, резултати:
Куманово – Ѓорче Петров – Вардар 20-31 (ИЗВЕШТАЈ)
Металург Автокоманда – Чаир 36-27 (ИЗВЕШТАЈ)
Вардар – Астибо 49-27 (ИЗВЕШТАЈ)
ТРИ ЅВЕЗДИ НА 19. КОЛО ОД ПЛЕЈ-ОФОТ ВО ЖЕНСКАТА ЛИГА
Ана Вранчиќ (Ѓорче Петров) – Босанската репрезентативка беше меѓу најдобрите на теренот против Куманово.
Леона Миленкоска (Вардар) – Левото крило успеа да постигне девет погодоци против составот на Астибо.
Марија Јанкуловска (Металург Автокоманда) – Македонската репрезентативка ја продолжи одличната форма и даде 14 голови против Чаир.
