Единствениот специјализиран портал за ракомет, 24Ракомет, сезонава повторно избира „Ѕвезда на колото“ во женската Супер лига.
Читателите ќе имаат можност да ја изберат ракометарката што најмногу покажала во колото што е завршено и да биде избрана за „Ѕвезда на колото“.
На крајот од сезоната ќе има избор и на Идеален тим на сезоната, што за третпат ќе биде направен во првенството на Македонија.
Читателите ќе може да гласаат за една од ракометарките, и според освоените гласови една од номинираните ќе го понесе и епитетот „Ѕвезда на колото“.
Со помош на вашите гласови ќе ја одбереме најдобрата ракометарка, која ќе биде ѕвезда, односно МВП на 18. коло од плеј-оф фазата во единствената женска сениорска конкуренција во Македонија.
Во изборот за ѕвезда на 18. коло од плеј-оф фазата има по една ракометарка од Ѓорче Петров, Металург Автокоманда и Чаир.
За ѕвезда на колото може да гласате до петок до 12:00 часот.
Женска лига, плеј-оф, 18. коло, резултати:
Ѓорче Петров – Вардар 38-26 (ИЗВЕШТАЈ)
Металург Автокоманда – Куманово 28-26 (ИЗВЕШТАЈ)
Чаир – Астибо 43-29 (ИЗВЕШТАЈ)
ТРИ ЅВЕЗДИ НА 18. КОЛО ОД ПЛЕЈ-ОФОТ ВО ЖЕНСКАТА ЛИГА
Катерина Дамјаноска (Ѓорче Петров) – Македонската репрезентативка беше меѓу најдобрите на теренот против Вардар.
Стефанија Ѓорѓиевска (Чаир) – Левото крило успеа да постигне дури 16 погодоци против составот на Астибо.
Борјана Коцева (Металург Автокоманда) – Коцева се истакна на мечот против Куманово и заедно со Јанкуловска беа меѓу лидерите на теренот.
