Европската ракометна федерација ги објави екипите што ќе бидат дел од новото издание во женската Лига на Европа.
Пријавени се вкупно 37 тимови, меѓу кои и актуелниот освојувач на трофејот, германскиот Турингер.
Покрај Турингер, уште три екипи – данскиот Никобинг, норвешката Сола и романската Корона Брашов се пласирани директно во групната фаза.
Македонија нема свој клуб во Лигата на Европа, но има три македонски репрезентативки – Сара Ристовска ќе игра со романскиот Рапид Букурешт, Ива Младеновска со францускиот Безансон и Андреа Седлоска со хрватската Локомотива Загреб.
Лига на Европа, жени:
Коло 2 (27/28 септември – 04/05 октомври)
шешир 1: Скара (Шведска), Брул (Швајцарија), Бањик Мост (Чешка), Црвена Звезда (Србија), Јаликавак (Турција), Хипо (Австрија), Бенфика (Португалија), Јонијас (Грција), Унирек (Холандија)
шешир 2: Валур (Исланд), Савехоф (Шведска), Шпоно Иглс (Швајцарија), Хорсенс (Данска), Молде (Норвешка), Рапид Букурешт (Романија), Безансон (Франција), Мошонмаѓаровар (Унгарија), Амичитија Цирих (Швајцарија)
Коло 3 (08/09 ноември – 15/16 ноември)
шешир 1: Виборг (Данска), Бломберг (Германија), Бенсхајм (Германија), Тертнес (Норвешка), Баја Маре (Романија), Дижон (Франција), Естергом (Унгарија), Локомотива Загреб (Хрватска), Заглебје Лубин (Полска), Олденбург (Германија), Ларвик (Норвешка), Шамбре Турен (Франција)
шешир 2: Бера Бера (Шпанија), Далматинка (Хрватска), Лублин (Полска) + девет победници од второто коло
Групна фаза (10 јануари – 22 февруари)
шешир 1: Турингер (Германија), Никобинг (Данска), Сола (Норвешка), Корона Брашов (Романија)
шешир 2: четири победници од третото коло
шешир 3: четири победници од третото коло
шешир 4: четири победници од третото коло
