Португалскиот Спортинг Лисабон му нанесе тежок пораз на ПСЖ, иако тоа не се насетуваше по првото полувреме. Францускиот првак беше ослабен на ова гостување без повредениот Пранди, но тоа ниту оддалеку не го оправдува поразот од десет гола разлика, 39-29.

По нерешените 6-6, ПСЖ почна да ја презема контролата на теренот најмногу по заслуга на пивотот Лоредон, кој го менуваше Шипжак на линијата. Тој постигна четири гола во првиот дел, па францускиот тим се одлепи на плус три, 9-6.

Беше и 10-7, но се разигра Салвадор во финишот на првиот дел и португалскиот шампион успеа да израмни на 12-12. Потоа до паузата се играше најчесто гол за гол, а на одморот Спортинг замина со водство, 16-15.

По 19-18 за Спортинг, почнаа да промашуваат француските ѕвезди, Кристенсен блескаше на домашниот гол и предноста на португалскиот тим почна да расте. Серијата на тимот на Рикардо Кошта најпрво беше 6-0 за 25-18 и веќе немаше назад за ПСЖ.

Потоа уште еден налет за 33-24 и јасно беше дека ова ќе биде дебакл на тимот предводен од Раул Гонзалес.

Најдобри стрелци кај победникот беа Мартим Кошта со девет и Ори Торкелсон со седум гола, додека голманот Кристенсен ги излуде гостите и запиша 17 одбрани. Во францускиот состав Холм погоди шест пати, а по пет гола имаа Лоредон и Јахја.

Екипата на Скопје дојде до 7-ми триумф во Првата лига, откако на гостувањето во Штип кај Текстилец славеше со 31:25.

Сега Скопје со новите два бода го презеде лидерското место во групата А, на свое конто има 14 бода, додека Македонија ЃП и Младост Богданци, екипи кои засега се на 2 и 3 место, имаат по 13, односно 12 бода.

Избраниците на Оливер Димитироски во текот на целиот натпревар беа во предност и во ниту еден момент не дозволија домашниот тим да го израмни резултатот, или пак да поведе.

Скопје на полувреме замина со предност од 17:12, на моменти во вториот дел водеше со десет гола разлика, но Текстилец во последниот период ја преполови негативата.

Прво име во таборот на гостинскиот тим беше Бојан Чакалиќ, кој запиша девет погодоци, пет додаде Александар Грујевски, по четири имаа Андреј Тркалевски, Јован Фичорски и Лука Лешникоски.

Кај Текстилец најрасположен за игра беше Филип Џинес со седум погодоци, а го следеше Филип Савев со гол помалку – 6.

Членката на Пелистер, Моника Босилковска,, го доби признанието за најкорисен играч, односно ѕвезда на 9. коло во единственото женско сениорско натпреварување.

Битолчанката во претходното коло со 12 погодоци го предводеше Пелистер до убедлив триумф над Овче Поле СУ.

Десното крило немаше конкуренција на гласањето, доби неверојатни 80% од гласовите на читателите на 24Ракомет, додека второпласирана беше Марија Анчева од Астибо.

Во конкуренција за ѕвезда на 9. коло беше и голманката од Куманово, Марија Јовановска.

Македонскиот првак Еурофарм Пелистер не ја победи данската Фредериција, но успеа да освои бод во пресметката што заврши 29-29.

Новиот стратег Раул Алонсо вели дека е среќен за неговите играчи, кои не се откажуваа до самиот крај од борба за победа.

„Ова беше специјален натпревар за мене. Среќен сум за пречекот што го имам во Битола, но и среќен за моите играчи, кои се бореа до крај и не се откажуваа. Имавме кратко време да се подготвиме за Фредериција. Беше возбудливо до самиот крај. Противникот водеше во првиот дел, но во второто полувреме, знаевме дека ќе се вратиме со помош на публиката и имавме шанси да победиме. Кога не ги користите, добар е и бодот. За нас е важно сега да се фокусираме на следниот натпревар од лигата, а потоа и за Веспрем“, изјави Алонсо.

Пелистерци следниот натпревар од елитната конкуренција го играат на гостински терен кај Веспрем на 28 ноември со почеток во 20:45 часот.

Шпанскиот стручњак Раул Алонсо денес официјално беше претставен пред јавноста како нов тренер на Еурофарм Пелистер.

45-годишникот од Мадрид потпиша договор на една и пол година и веќе го одработи првиот тренинг со македонскиот првак.

Новиот тренер на пелистерци на официјалното претставување ги сподели своите импресии.

,,Многу сум среќен и возбуден што сум тука. Имав топло добредојде од сите и ми покажаа дека им е драго што сум тука. Едвај чекам да работам со тимот. Заедно одработивме еден тренинг, на почеток сме на проектот. Среќен сум што сум дел од градот и клубот. Од она што го видов имам многу импресии поврзани со тимот. Има простор за голем напредок и можност екипата да биде во корелација со емоциите од трибините, од овој ракометно историски град”, изјави Алонсо.

Тој испрати порака до симпатизерите на Еурофарм Пелистет и го цитираше Јирген Клоп.

,,Знам дека нашата сала и нашите навивачи се посебни. Ова е ново животно искуство за мене, тимот има потенцијал, но мора и многу да работи. Сакам да им порачам на фановите дека сум среќен што ви се приклучив. Доаѓам на место кое бара многу од еден тренер, но може да кажам само што рече Јирген Клоп: Да создадеме култура во која сомнежите ќе ги претвориме во луѓе кои веруваат. Ние веруваме, мора да веруваме, секојдневно да работиме за да ги задоволиме нашите навивачи. Но, и порачуваме дека и тие ни се потребни, бидејќи со нив имаме еден, дури и два играчи повеќе”, рече Алонсо.

Дебито на Раул Алонсо е предвидено за в среда од 20:45 часот на дуелот со Фредериција во Лигата на шампионите.

📷 Еурофарм Пелистер го промовираше Раул Алонсо