Тимот на Битигхајм, каде што игра Мартин Томовски, го промовираше својот нов шеф на стручен штаб – Хартмут Мајерхофер.
Тој од идното лето ќе го наследи на клупата шпанскиот стратег Икер Ромеро, кој по завршувањето на сезоната целосно ќе се посвети на австриската репрезентација.
Мајерхофер, 56-годишен тренер, потпиша договор на две сезони и ќе остане во клубот најмалку до 2028 година.
Ова е камбек за стратегот во Битигхајм, каде што работеше од 2013 до 2018 година, потоа го водеше Гепинген четири сезони, а беше предводник и на Ерланген.
Томовски потпиша договор со Битигхајм до 2027 година.
