Екипата предводена од прославениот Игор Вори, Сесвете, одигра одличен натпревар против бундеслигашот Фленбург, кој во хрватската престолнина триумфираше со 32:28.
Фленсбург на полувреме имаше минимална предност oд 15:14, но ниту во вториот дел не можеше да го пронајдат својот ритам, па така во 42 минута беше 22:21 за домашниот тим.
Двете екипи до 50 минута наизменично се менуваа во водство, а избраниците на Вори, при предност од 26:25, во дури три наврати не успеаја да реализираат за плус два, па така Фленсбург во 53 минута дојде до 26:26.
Поискусниот тим го казни неискуството на домаќините, дојде до 29:27 во 56 минута и не дозволи да има сензација. Сесвете се бореше до крај, но во клучните моменти ривалот од Германија беше повеќе пофокусиран и успеа да ја зголеми предноста за конечни четири разлика.
Еден од најдобрите на теренот беше голманот на Сесвете, Филип Периќ, кој натпреварот го заврши со 16 интервенции, а во нападот одлични беа Златко Раужан (седум гола) и Давор Гавриќ (шест гола).
Кај Фленсбург прв стрелец беше Ласе Мелер со седум гола, а го следеа Симон Питлик и Аксер Хорген со гол помалку – шест.
Сесвете во последното коло од групната фаза ќе гостува во Унгарија кај Татабања, која го доби првиот натпревар против хрватскиот тим со четири гола разлика, 31:27.
ГОГ со победата над Горење од 31:21 си го завери пласманот во главната фаза во второто по ранг европско клупско натпреварување.
Македонскиот вицепрвак Вардар со почеток од 20:30 часот ќе се соочи со исландскиот Валур.
ЛИГА НА ЕВРОПА, 5. КОЛО, РЕЗУЛТАТИ:
ГОГ – ГОРЕЊЕ 31-21
ГРАНОЉЕРС – ЗАБЖЕ 41-30
ГУМЕРЗБАХ – ФХ 32-24
ПРЕШОВ – ЛИМОЖ 31-34
СЕСВЕТЕ – ФЛЕНСБУРГ 28-32
ИШТАД – КОНЦТАНЦА 38-29
20:45 АДЕМАР – ЛУЦЕРН
20:45 БЕНФИКА – КАДЕТЕН
20:45 СИЛКЕБОРГ – МОНПЕЛЈЕ
20:45 ХОБРИ – БИДАСОА
20:45 КАРВИНА – ТАТАБАЊА
20:45 МЕЛСУНГЕН – ПОРТО
20:45 ТОРЕЛАВЕГА – КИЛ
20:45 ТУЛУЗ – САВЕХОФ
20:45 ВАЛУР – ВАРДАР
20:45 ВОЈВОДИНА – НЕКСЕ
ПОВРЗАНИ ВЕСТИ
